Á þingi

Á dögunum sat ég á þingi sem varaþingmaður í fyrsta sinn á þessu kjörtímabili, í fjarveru Ólafar Nordal. Auk þátttöku í almennum umræðum notaði ég tækifærið til að leggja fram eitt frumvarp til laga og þrjár fyrirspurnir, sem finna má hér.Frumvarpið lagði ég fram að gefnu tilefni en á opnum fundi stjórnskipunar- og eftirlitsnefndar þingsins með Tryggva Gunnarssyni umboðsmanni Alþingis hafði ég spurt hann um tímabundnar ráðningar í stjórnarráðinu sem umboðsmaður víkur að í skýrslu sinni til þingsins. Tilgangur frumvarpsins er að girða fyrir að menn séu settir tímabundið í stöðu með það að markmiði að skipa þá síðar varanlega þegar þeir hafa öðlast forskot á aðra mögulega umsækjendur.Fyrirspurnirnar sem ég lagði fram lúta annars vegar að heimild skattstjóra til að vinna svonefnda hákarlalista upp úr álagningarskrám og hins vegar tvær að starfsemi Ríkisútvarpsins.